ಕಾಣೆಯಾಗಿದೆ “ನನ್ನ” ದೆಂಬ ಭ್ರಮೆ

0
221
Tap to know MORE!

ಮನುಕುಲದ ಮನುಜನಲ್ಲಿ
ನಾನು ನನ್ನದೆಂಬ ಭ್ರಮೆ
ಮೇಲ್ಜಾತಿ ಹಣೆಪಟ್ಟಿಗೆ
ನಾನೇ ಮೇಲೆಂಬ ಹಿರಿಮೆ

ಶ್ರೀಮಂತನಿಗೆ ಸಂಪತ್ತಿನ ದಾಹ
ಜಾತಿ ಧರ್ಮಗಳ ನಡುವೆ ಕಲಹ
ಮುಗಿಯದಷ್ಟು ಮುಗಿಸಲಾಗದ
ಆಸೆಗಳ ಬುತ್ತಿಯೊಳ ಮೋಹ

ಅರೆ ಎಲ್ಲವೂ ಕರಗಿ ಹೋಯಿತೆ
ಅಂಧಕಾರದ ಈ ಅಮಲು
ಕಳೆದುಹೋಯಿತೆ ನಾನು,
ನನ್ನದೆಂಬ ಈ ತೆವಲು

ಕಣ್ಣಿಗೆ ಕಾಣದ ಕೊರೋನಾ
ಕಲಿಸಿತು ಎಂತಹದ್ಭುತ ಪಾಠ
ಭೇಧವಿಲ್ಲ ನನಗಿಲ್ಲಿ ಎಲ್ಲರೂ
ಸಮಾನರಿಲ್ಲಿ

ಜನನ ಮರಣದ ನಡುವ ಜೀವನ
ಇರುವುದ ಕೇವಲ ಅಲ್ಪ ದಿನ
ಗೆಲ್ಲುವುದು ಎಂದೂ ಒಳ್ಳೆತನ
ಬೇಡ “ನನ್ನಿಂದಲೇ “ಎಂಬ ಜಂಭದ ಗುಣ

ಅರ್ಪಿತಾ ಕುಂದರ್
ವಿವೇಕಾನಂದ ಕಾಲೇಜು ಪುತ್ತೂರು

LEAVE A REPLY

Please enter your comment!
Please enter your name here