ದೇಶದ 8 ರಾಜ್ಯಗಳಲ್ಲಿ ಶೇ.90 ಸಕ್ರಿಯ ಪ್ರಕರಣಗಳು : ಕೇಂದ್ರ ಆರೋಗ್ಯ ಸಚಿವ

0
35

“ಕೊರೋನಾ ಸೋಂಕಿತರ ಜಾಗತಿಕ ಸರಾಸರಿ 1,453(ಸೋಂಕಿತರು) ಮತ್ತು 68.7(ಸಾವನ್ನಪ್ಪಿದ್ದವರು) ಗೆ ಹೋಲಿಸಿದರೆ ಭಾರತವು ಪ್ರತಿ ಮಿಲಿಯನ್‌ಗೆ 557 ಸೋಂಕಿತರು ಮತ್ತು 15 ಮಂದಿ ಸಾವನ್ನಪ್ಪಿದ್ದಾರೆ” ಎಂದು ಕೇಂದ್ರದ ಆರೋಗ್ಯ ಸಚಿವ ಹರ್ಷ್ ವರ್ಧನ್ ಗುರುವಾರ ನಡೆದ ಕರೋನವೈರಸ್ (COVID-19) ಕುರಿತು ಮಂತ್ರಿಗಳ ಸಭೆಯ ಅಧ್ಯಕ್ಷತೆ ವಹಿಸಿ ಮಾತನಾಡಿದರು. .

ದೇಶದಲ್ಲಿ, ಮಹಾರಾಷ್ಟ್ರ, ತಮಿಳುನಾಡು, ದೆಹಲಿ, ಕರ್ನಾಟಕ, ತೆಲಂಗಾಣ, ಆಂಧ್ರಪ್ರದೇಶ, ಉತ್ತರ ಪ್ರದೇಶ ಮತ್ತು ಗುಜರಾತ್ ನಲ್ಲಿ ಸುಮಾರು 90% ರಷ್ಟು ಸಕ್ರಿಯ ಪ್ರಕರಣಗಳು ಇದೆ ಮತ್ತು ದೇಶದ 49 ಜಿಲ್ಲೆಗಳಲ್ಲಿ ಪ್ರಸ್ತುತ 80% ಸಕ್ರಿಯ ಪ್ರಕರಣಗಳಿವೆ ಒಟ್ಟು ಸಾವುಗಳಲ್ಲಿ ಮಹಾರಾಷ್ಟ್ರ, ದೆಹಲಿ, ಗುಜರಾತ್, ತಮಿಳುನಾಡು, ಉತ್ತರ ಪ್ರದೇಶ ಮತ್ತು ಪಶ್ಚಿಮ ಬಂಗಾಳದಲ್ಲಿ ಶೇ.86 ರಷ್ಟಿದ್ದರೆ, ಮತ್ತು ದೇಶದ 32 ಜಿಲ್ಲೆಗಳು 80% ಸಾವುಗಳಿಗೆ ಕಾರಣವಾಗಿವೆ ಎಂದು ಅವರು ಹೇಳಿದರು.

ಪ್ರಸ್ತುತ 3,77,737 ಪ್ರತ್ಯೇಕ ಹಾಸಿಗೆಗಳು (ಐಸಿಯು ಬೆಂಬಲವಿಲ್ಲದೆ), 39,820 ಐಸಿಯು ಹಾಸಿಗೆಗಳು ಮತ್ತು 1,42,415 ಆಮ್ಲಜನಕ ಬೆಂಬಲಿತ ಹಾಸಿಗೆಗಳು ಮತ್ತು ವೆಂಟಿಲೇಟರ್‌ಗಳೊಂದಿಗೆ 20,047 ಹಾಸಿಗೆಗಳಿವೆ ಎಂದು ಸರ್ಕಾರಕ್ಕೆ ವರದಿ ಸಲ್ಲಿಕೆಯಾಗಿದೆ ಎಂದು ಆರೋಗ್ಯ ಸಚಿವಾಲಯದ ಪ್ರಕಟಣೆ ತಿಳಿಸಿದೆ. ಹೆಲ್ತ್‌ಕೇರ್ ಲಾಜಿಸ್ಟಿಕ್ಸ್ ವಿಷಯದಲ್ಲಿ, ಒಟ್ಟು 213.55 ಲಕ್ಷ N95 ಮುಖಗವಚಗಳು, 120.94 ಲಕ್ಷ ಪಿಪಿಇಗಳು ಮತ್ತು 612.57 ಲಕ್ಷ ಹೈಡ್ರಾಕ್ಸಿಕ್ಲೋರೋಕ್ವಿನ್ (ಎಚ್‌ಸಿಕ್ಯು) ಮಾತ್ರೆಗಳನ್ನು ಇದುವರೆಗೆ ವಿತರಿಸಲಾಗಿದೆ ಎಂದರು.

LEAVE A REPLY

Please enter your comment!
Please enter your name here