Tap to know MORE!
ಪೂರ್ವ ಲಡಾಕ್‌ನ ಗಾಲ್ವಾನ್ ಕಣಿವೆಯಲ್ಲಿ ಸೋಮವಾರ ರಾತ್ರಿ ಚೀನಾದ ಸೈನಿಕರೊಂದಿಗಿನ ಮುಖಾಮುಖಿ ವೇಳೆ ನಡೆದ ಹಿಂಸಾತ್ಮಕ ಘರ್ಷಣೆಯಲ್ಲಿ, ತನ್ನ 20 ಸೈನಿಕರು ಹುತಾತ್ಮರಾಗಿದ್ದಾರೆ ಎಂದು ಭಾರತೀಯ ಸೇನೆಯು ಮಂಗಳವಾರ (ಜೂನ್ 16) ತಿಳಿಸಿದೆ. ಗಾಲ್ವಾನ್ ಕಣಿವೆಯಲ್ಲಿ ನಡೆದ ಘರ್ಷಣೆಯ ಸಂದರ್ಭದಲ್ಲಿ ಬಹುತೇಕ ಅಷ್ಟೇ ಸಂಖ್ಯೆಯ ಚೀನಾದ ಸೈನಿಕರು ಕೊಲ್ಲಲ್ಪಟ್ಟಿದ್ದಾರೆ ಎಂದು ಸೇನೆಯು ಹೇಳಿಕೆಯಲ್ಲಿ ತಿಳಿಸಿದೆ.
ಇದೇ ಹೇಳಿಕೆಯಲ್ಲಿ, “ಭಾರತೀಯ ಮತ್ತು ಚೀನಾದ ಸೈನಿಕರು 2020 ರ 15/16 ರ ರಾತ್ರಿ ಘರ್ಷಣೆ ನಡೆಸಿದ ಗಾಲ್ವಾನ್ ಪ್ರದೇಶದಿಂದ ಈಗ ಬೇರ್ಪಟ್ಟಿದ್ದಾರೆ. ಸ್ಟ್ಯಾಂಡ್-ಆಫ್ ಸ್ಥಳದಲ್ಲಿ ಕರ್ತವ್ಯದ ಸಾಲಿನಲ್ಲಿ ತೀವ್ರವಾಗಿ ಗಾಯಗೊಂಡ 17 ಭಾರತೀಯ ಸೈನಿಕರು ಸಹ ಶೂನ್ಯ ತಾಪಮಾನದಿಂದಾಗಿ ಬಲಿಯಾಗಿರುತ್ತಾರೆ. ಹೀಗಾಗಿ ಹುತಾತ್ಮರಾದ ಒಟ್ಟು ಸಂಖ್ಯೆ 20 ಕ್ಕೆ ಏರಿಕೆ ಕಂಡಿದೆ” ಎಂದರು.
“ರಾಷ್ಟ್ರದ ಪ್ರಾದೇಶಿಕ ಸಮಗ್ರತೆ ಮತ್ತು ಸಾರ್ವಭೌಮತ್ವವನ್ನು ರಕ್ಷಿಸಲು ಭಾರತೀಯ ಸೇನೆ ಬದ್ಧವಾಗಿದೆ ”ಎಂದು ಅಧಿಕೃತ ಪ್ರಕಟಣೆ ತಿಳಿಸಿದೆ.
