ಬೆಂಗಳೂರು: ರಾಜ್ಯಪಾಲ ವಾಜುಭಾಯ್ ವಾಲಾ ಅವರು ಶಾಂತರಮ ಬುಡ್ನಾ ಸಿದ್ದಿ ಸೇರಿದಂತೆ ಐವರನ್ನು ಕರ್ನಾಟಕ ವಿಧಾನ ಪರಿಷತ್ತಿಗೆ ನಾಮನಿರ್ದೇಶನ ಮಾಡಿದ್ದಾರೆ ಇದರಿಂದ ಕರ್ನಾಟಕದ ಸಿದ್ದಿ ಸಮುದಾಯವು ತನ್ನ ಮೊದಲ ಶಾಸಕರನ್ನು ಪಡೆದುಕೊಂಡಂತಾಗಿದೆ.
ಶಾಂತರಾಮ ಸಿದ್ದಿ ಸಮಾಜ ಸೇವಕರಾಗಿ ಕೆಲಸ ಮಾಡುತ್ತಿದ್ದರು ಮತ್ತು ರಾಷ್ಟ್ರೀಯ ಸ್ವಯಂ ಸೇವಕ ಸಂಘದ (ಆರ್‌ಎಸ್‌ಎಸ್) ಬುಡಕಟ್ಟು ಕಲ್ಯಾಣ ಉಪಕ್ರಮವಾದ ವನವಾಸಿ ಕಲ್ಯಾಣ್ ಪ್ರಕಲ್ಪದಲ್ಲಿ ಉತ್ತಮ ಸ್ಥಾನದಲ್ಲಿದ್ದರು.
ಭಾರತದ ಜನಾಂಗೀಯ ಗುಂಪಾದ ಸಿದ್ದಿಗಳು ಪೂರ್ವ ಆಫ್ರಿಕಾದಿಂದ ಬಂದವರು ಎಂದು ಹೇಳಲಾಗುತ್ತದೆ. ಅವರನ್ನು ಕರ್ನಾಟಕದ ಪರಿಶಿಷ್ಟ ಪಂಗಡದ (ಎಸ್‌ಟಿ) ಪಟ್ಟಿಯಲ್ಲಿ ಸೇರಿಸಲಾಗಿದೆ.
ಶಾಂತಾಮರ ಹೊರತಾಗಿ, ಸಿಪಿ ಯೋಗೀಶ್ವರ್, ಮಾಜಿ ಜೆಡಿಎಸ್ ಮುಖಂಡ ಅಡಗೂರ್ ಎಚ್ ವಿಶ್ವನಾಥ್, ತಲ್ವಾರ್ ಸಾಬಣ್ಣ ಮತ್ತು ಭಾರತಿ ಶೆಟ್ಟಿಯನ್ನು ಮೇಲ್ಮನೆಗೆ ನಾಮಕರಣ ಮಾಡಿದ್ದಾರೆ.
