ಸುಶಾಂತ್ ಸಾವಿನ ತನಿಖೆ – “ಕೊಲೆಯ ಯಾವುದೇ ಪುರಾವೆ ಕಂಡುಬಂದಿಲ್ಲ” ಎಂದ ಸಿಬಿಐ!

0
83
Tap to know MORE!

ಇತ್ತೀಚಿನ ವರದಿಯ ಪ್ರಕಾರ, ಸುಶಾಂತ್ ಸಿಂಗ್ ರಜಪೂತ್ ಅವರ ನಿಗೂಢ ಸಾವಿನ ಹಿಂದಿನ ಸತ್ಯವನ್ನು ಹುಡುಕಲು ಪ್ರಯತ್ನಿಸುತ್ತಿರುವ ಸೆಂಟ್ರಲ್ ಬ್ಯೂರೋ ಆಫ್ ಇನ್ವೆಸ್ಟಿಗೇಷನ್ (ಸಿಬಿಐ) ನ ಮೂವರು ಅಧಿಕಾರಿಗಳು ಸ್ವತಂತ್ರವಾಗಿ ಪ್ರಕಟಣೆಗೆ ತಿಳಿಸಿದ್ದು, ತನಿಖಾ ತಂಡವು ಇಲ್ಲಿಯವರೆಗೆ ಸುಶಾಂತ್ ಸಿಂಗ್ ರಜಪೂತರನ್ನು ಕೊಲೆ ಮಾಡಲಾಗಿದೆ ಎಂದು ಸೂಚಿಸುವ ಯಾವುದೇ ಪುರಾವೆಗಳು ಕಂಡುಬಂದಿಲ್ಲ. ತನಿಖೆಯು ಇನ್ನೂ ಚಾಲ್ತಿಯಲ್ಲಿದೆ.

ನಟ ಸುಶಾಂತ್ ಸಿಂಗ್ ರಜಪೂತ್ ಜೂನ್ 14 ರಂದು ಆತ್ಮಹತ್ಯೆ ಮಾಡಿಕೊಂಡಿದ್ದರು ಮತ್ತು ಅವರ ಬಾಂದ್ರಾ ಮನೆಯಲ್ಲಿ ಶವವಾಗಿ ಪತ್ತೆಯಾಗಿದ್ದರು. ಆದರೆ ಮುಂದುವರೆದ ಬೆಳವಣಿಗೆಯಲ್ಲಿ, ಅವರನ್ನು ಕೊಲೆ ಮಾಡಲಾಗಿದೆ ಎಂಬ ಆರೋಪ ಕೇಳಿ ಬಂದ ಹಿನ್ನೆಲೆಯಲ್ಲಿ, ಇದನ್ನು ಸಿಬಿಐಗೆ ವಹಿಸಲಾಗಿತ್ತು.

ಸದ್ಯ ಸಿಬಿಐ ಅಧಿಕಾರಿಗಳು ಆತ್ಮಹತ್ಯೆಯ ದೃಷ್ಟಿಯಿಂದ ಈ ಪ್ರಕರಣವನ್ನು ಕೇಂದ್ರೀಕರಿಸುತ್ತಿದ್ದಾರೆ ಮತ್ತು ಯಾವುದೋ ಪ್ರಚೋದನೆಯಿಂದ ಆತ್ಮಹತ್ಯೆ ಮಾಡಿಕೊಂಡಿರಬಹುದೇ ಎಂದು ಪರಿಶೀಲಿಸುತ್ತಿದ್ದಾರೆ ಎಂದು ಪ್ರಕಟಣೆ ತಿಳಿಸಿದೆ.

ಇದನ್ನೂ ಓದಿ : ನನಗೆ ಮತ್ತು ನನ್ನ ಕುಟುಂಬದವರಿಗೆ ಜೀವ ಬೆದರಿಕೆ : ರಿಯಾ ಚಕ್ರಬೋರ್ತಿ

ಸಿಬಿಐ ಇತ್ತೀಚೆಗೆ ಮುಂಬೈ ಪೊಲೀಸರು ಸಂಗ್ರಹಿಸಿದ ಎಲ್ಲ ಸಾಕ್ಷ್ಯಗಳ ಮೂಲಕ ಮತ್ತು ಪ್ರಕರಣದ ಪ್ರಮುಖ ಶಂಕಿತರನ್ನು ವಿಚಾರಣೆಗೊಳಪಡಿಸಿ, ಅಪರಾಧ ನಡೆದ ಸ್ಥಳದ ವಿಸ್ತಾರವಾದ ಪುನರ್ನಿರ್ಮಾಣವನ್ನು ಮಾಡಿದೆ. ಇದರಲ್ಲಿ ರಜಪೂತರ ಸಹೋದ್ಯೋಗಿಗಳು ಮತ್ತು ಮಾಜಿ ಗೆಳತಿ ರಿಯಾ ಚಕ್ರವರ್ತಿ ಸೇರಿದ್ದಾರೆ.

ತನಿಖೆ ನಡೆಸುತ್ತಿರುವ ಸಿಬಿಐ ಅಧಿಕಾರಿಗಳ ಪ್ರಕಾರ, ಯಾವುದೇ ವಿಧಿವಿಜ್ಞಾನ ವರದಿಗಳು, ಪ್ರಮುಖ ಶಂಕಿತರ ಹೇಳಿಕೆಗಳು ಅಥವಾ ಅಪರಾಧದ ಸ್ಥಳದ ಪುನರ್ನಿರ್ಮಾಣವು ಇದು ಕೊಲೆ ಪ್ರಕರಣ ಎಂದು ಸೂಚಿಸುವುದಿಲ್ಲ. ಸಿಬಿಐ ಆತ್ಮಹತ್ಯಾ ಕೋನದಲ್ಲಿ ಹೆಚ್ಚು ಗಮನ ಹರಿಸುತ್ತಿದ್ದರೂ, ಇನ್ನೂ ಅಧಿಕೃತವಾಗಿ ಕೊಲೆ ತನಿಖೆಯನ್ನು ಮುಚ್ಚಲಿಲ್ಲ.

LEAVE A REPLY

Please enter your comment!
Please enter your name here